தளபதி மு.க. ஸ்டாலின் திறந்து வைத்த திருவள்ளுவர் சிலை

பம்பாய் திருவள்ளுவர் மன்றம் சார்பாக

திருவள்ளுவர் சிலை திறப்பு விழா

மற்றும்

மன்றத் தலைவர் வி.தேவதாசன் 89ஆவது பிறந்தநாள் விழா

திருவள்ளுவர் சிலையைத் திறந்து வைத்து

தி.மு.க. செயல் தலைவர் 

தளபதி மு. க. ஸ்டாலின் 

விழா பேருரை

மும்பை பாண்டுப் பகுதியில் உள்ள பம்பாய் திருவள்ளுவர் மன்றத்தின் சார்பாக மன்ற வளாகத்தில் திருவள்ளுவர் சிலை நிறுவப்பட்டுள்ளது. சிலை திறப்பு விழாவும் மன்ற நிறுவனர் & செயலாளர் வி. தேவதாசனின் 89 ஆவது பிறந்த நாள் விழாவும்2017, செப்டம்பர் 2 ஆம் நாள் சனிக்கிழமை காலை 10.30 மணியளவில் நடைபெற்றது. தி. மு. க. செயல் தலைவர் தளபதி மு. க. ஸ்டாலின் இவ்விழாவில் பங்கேற்று திருவள்ளுவர் சிலையை திறந்து வைத்து விழா பேருரை நிகழ்த்தினார்.

வி. தேவதாசன் தலைமையில் நடைபெற்ற இவ்விழாவில்  குழந்தை ஏசு ஆங்கிலப் பள்ளியின் முதல்வர் ஜஸ்டின் ஜேம்ஸ் வரவேற்புரையாற்ற, மும்பை புறநகர் தி.மு.க. செயலாளர் அலிசேக் மீரான் தொடக்கவுரையாற்றினார். கவிஞர் செந்தூர் நாகராஜன் வாழ்த்துக் கவிதை படித்தார். தளபதி மு.க. ஸ்டாலின் முன்னிலையில் வி. தேவதாசன் கேக் வெட்டி பிறந்த நாளைக் கொண்டாடினார். அவருக்கு தி.மு.க. சார்பாக முரசொலி பவளவிழா மலர் பிறந்த நாள் பரிசாக வழங்கப்பட்டது. பம்பாய் திருவள்ளுவர் மன்றம், மும்பை புறநகர் தி.மு.க. உள்ளிட்ட அமைப்புகள் சார்பாக மு.க.ஸ்டாலினுக்கு நினைவுப் பரிசுகள் வழங்கப்பட்டன.

மகாராட்டிரா சட்டப்பேரவை உறுப்பினர் சர்தார் தாராசிங், மும்பை மாநகராட்சி உறுப்பினர்கள் சாக்ஷி தீபக் சால்வி, சாரிகா மங்கேஷ் பவார், மாரியம்மாள் முத்துராமலிங்கம், பம்பாய் திருவள்ளுவர் மன்றத் தலைவர் ஜேம்ஸ் தேவதாசன், பொருளாளர் எம்.ஜெகதீசன், மும்பை மாநகர தி.மு.க. பொறுப்பாளர் கருவூர் இரா. பழனிச்சாமி, மும்பை புறநகர் தி.மு.க. துணைச்செயலாளர் பேராசிரியர் சமீரா மீரான், இலக்கிய அணி அமைப்பாளர் கவிஞர் வ.இரா.தமிழ்நேசன், தி.மு.க. மாநில் இளைஞரணி அமைப்பாளர் ந.வசந்தகுமார் உள்ளிட்டோர் முன்னிலை வகித்தனர்
மகராஷ்ட்ரா சட்டப் பேரவை உறுப்பினர் கேப்டன் தமிழ்ச் செல்வன், பம்பாய் திருவள்ளுவர் மன்றத்தின் முன்னாள் முதல்வர் இயேசுராஜ் சாமுவேல், மதுரை தமிழ் இலக்கிய மன்ற நிறுவனர் அவனி மாடசாமி உள்ளிட்டோர் வாழ்த்துரை வழங்கினர்.
விழா நிகழ்ச்சிகளை இந்தியப் பேனா நண்பர் பேரவைத் தலைவர் மா.கருண் தொகுத்து வழங்கினார். இறுதியாக பம்பாய் திருவள்ளுவர் மன்றத்தின் பிரைட் மேனிலைப் பள்ளி முதல்வர் செலின் ஜேக்கப் நன்றியுரையாற்றினார்.

இந்நிகழ்ச்சியில் நாடாளுமன்ற உறுப்பினர் கிரித் சோமையா, தமிழக சட்டப்பேரவை உறுப்பினர் அன்பில் மகேஷ் பொய்யாமொழி, தமிழக சட்டப்பேரவை முன்னாள் உறுப்பினர் மாலைராஜா,  சிவசேனா தாராவி தாலுகா துணைத்தலைவர் பி.எஸ்.கே.முத்துராமலிங்கம் உள்ளிட்ட அரசியல் பிரமுகர்கள், தெட்சணமாறநாடார் சங்க மும்பை கிளைத் தலைவர் இராமராஜன், செயலாளர் எம்.எஸ்.காசிலிங்கம், ஆதிதிராவிட மகாஜன சங்கத் தலைவர் க.வ.அசோக்குமார், மராத்திய மாநில தமிழ்ச் சங்கத் தலைவர் எஸ். அண்ணாமலை, பொதுச் செயலாளர் இராஜா இளங்கோ, தருண் பாரத் சேவா சங்கத் தலைவர் இராஜேந்திரன் சுவாமி, தமிழின இரயில் பயணிகள் சங்கச் செயலாளர் டி. அப்பாதுரை, தொழிலதிபர்கள் ஆல்பர்ட், வி.எம்.சுவாமி, செம்பூர் தமிழர் பாசறைத் தலைவர் ஆ.பி. சுரேஷ், மும்பை புறநகர் தி.மு.க. துணைச் செயலாளர் முனைவர் வதிலை பிரதாபன், இலக்கிய அணித் தலைவர் வே. சதானந்தன்,  புரவலர்கள் சோ.பா.குமரேசன், கவிஞர் இரஜகை நிலவன், மாநில இளைஞரணி துணை அமைப்பாளர் இரா. கணேசன், தாராவி தி.மு.க.செயலாளர் வே.ம. உத்தமன்,முன்னாள் இளைஞரணி அமைப்பாளர் ம. ஜேசுராஜ், கிளைக்கழக நிர்வாகிகள் வீரை. சோ. பாபு, மெஹ்பூப் பாட்சா சேக், பொ.அ. இளங்கோ, கு. மாரியப்பன், பாலமுருகன், சு.பெருமாள், சக்திவேல், முகமதலி, முஸ்தாக் அலி, பேலஸ் துரை,முஸ்தாக் அலி, பேலஸ் துரை, முத்துகிருஷ்ணன், இரா. முனுசாமி, பெ. ஆழ்வார்,முருகேசன், இரவி, மணி,
 உள்ளிட்ட மும்பைத் தமிழ்ப் பிரமுகர்கள், மும்பையின் பல்வேறு அமைப்புகளின் நிர்வாகிகள் ஆசிரியர்கள், மாணவர்கள் உள்ளிட்ட மும்பைத் தமிழர்கள் பலர் இந்நிகழ்ச்சியில் கலந்து கொண்டனர்.