வீரவணக்க நாள் கூட்டம்

மொழிப்போர் தியாகிகளுக்கு வீரவணக்கநாள் கூட்டம்

மும்பை மாநில புறநகர் திமுக சார்பில் மொழிப்போர் தியாகிகளுக்கு வீரவணக்கநாள் கூட்டம் விட்டல்வாடி உத்யோக் விகாரில் நடைபெற்றது. 

இந் நிகழ்வுக்கு இலக்கிய அணித்தலைவர் வே.சதானந்தன் தலைமை தாங்கினார்.

மும்பை மாநில புறநகர் திமுக துணைச்செயலாளர் கவிஞர் வதிலை பிரதாபன் 

கலந்துகொண்டு வீரவணக்க சிறப்புரையாற்றினார்.

முன்னதாக டோம்பிவிலி கிளைச்செயலாளர் வீரை சோ. பாபு வரவேற்புரையாற்ற

அம்பர்நாத் கிளைச்செயலாளர் ஜஸ்டின், கல்யாண் தமிழ் நற்பணி மன்றத்தலைவர் ஆ.பரமசிவன் உள்ளிட்டோர் நினைவுரையாற்றினர்.மேலு பலர்  மொழிப்போர் தியாகிகளுக்கு வீரவணக்கம் செலுத்தினர்.

பெருமாள், ஐயப்பன், வீரகுரு, ரகுநாதன், மதியழகன், சிவநாதன், அரசகுமார் உள்ளிட்டோர்

முன்னிலை வகித்தனர். 

சமீரா மீரான், தமிழ் நேசனுக்கு விருது

தி.மு.க. தலைமை இலக்கிய அணி சார்பாக 

சமீரா மீரான், தமிழ் நேசனுக்கு விருது

சென்னை தமிழ்ப் புத்தாண்டு விழாவில் வழங்கப்பட்டது

மும்பை புறநகர் தி.மு.க. துணைச் செயலாளர் பேராசியர் சமீரா மீரான் இலக்கிய அணி அமைப்பாளர் கவிஞர் வ. இரா. தமிழ்நேசன் உள்ளிட்ட நால்வருக்கு தி.மு.க. தலைமை இலக்கிய அணி சார்பாக  விருதுகள் வழங்கப்பட்டுள்ளன.

சென்னை அண்ணா சாலையில் உள்ள அன்பகத்தில் தி.மு.க. தலைமை இலக்கிய அணி சார்பாக நடைபெற்ற  தைப்பொங்கல்தமிழ்ப் புத்தாண்டு பெருவிழாவில், மும்பை புறநகர் தி.மு.க. துணைச் செயலாளர் பேராசிரியர் சமீரா மீரானுக்கு வாழ்நாள் சாதனையாளர் விருதும்,  மும்பை புறநகர் தி.மு.க. இலக்கிய அணி அமைப்பாளர் கவிஞர் வ. இரா. தமிழ்நேசனுக்கு அயலகத் தமிழறிஞர் விருதும் வழங்கப்பட்டன.

தி.மு.க. தலமை இலக்கிய அணித் தலைவர் கவிவேந்தர் கா. வேழவேந்தன் தலைமையில் நடைபெற்ற இவ்விழாவில் இலக்கிய அணிச் செயலாளர் கவிஞர் தஞ்சை கூத்தரசன் வரவேற்புரையாற்ற, முன்னாள் மத்திய அமைச்சரும் தி.மு.க. கொள்கை பரப்புச் செயலாளருமான ஆ. இராசா விருதுகளை வழங்கி சிறப்புரையாற்றினார். இலக்கிய அணி புரவலர் புலவர் இந்திரகுமாரி, மும்பை புறநகர் தி.மு.க. செயலாளர் அலிசேக் மீரான் உள்ளிட்டோர் வாழ்த்துரை வழங்கினர்.

திமுக தலைமைக் கழக நிர்வாகிகள் கு.க. செல்வம், பூச்சி முருகன், வழக்கறிஞர் சூர்யா வெற்றி கொண்டான் உள்ளிட்டோர் முன்னிலை வகித்தனர்.

கவிஞர் ஈரோடு இறைவன்,  பேராசிரியர் க. சேவுகப் பெருமாள், போர்முரசு கதிரவன ஆகியோர் தகுதியுரையை படிக்க, நிகழ்ச்சிகளை கந்திலி கரிகாலன் தொகுத்து வழங்கினார். தியாகராயர் நகர் பி.பொன்னுரங்கம் நன்றியுரையாற்றினார்.

இந்நிகழ்ச்சியில் மும்பை புறநகர் திமுக இலக்கிய அணி துணை அமைப்பாளர் ஜெயினுல் ஆபிதீன், நெல்லை கிழக்கு மாவட்ட திமுக துணைச் செயலாளர் ஏர்வாடி எஸ்.ஏ.கே சித்திக், சேலம் ஓவியர் இராஜா, முனைவர் வாமுசே திருவள்ளுவன், சின்னமாத்தூர் மணிகண்டன், சூரியன் சக்தி திமுக தலைமை இலக்கிய அணி நிர்வாகிகள் உள்ளிட்ட திமுக பிரமுகர்கள் மற்றும் தமிழ் இலக்கிய ஆர்வலர்கள் பலர்  பெருந்திரளாகக் கலந்து கொண்டனர்.
தி.மு.க. தலைமை இலக்கிய அணியின் வாழ்நாள் சாதனையாளர் விருது பெற்ற பேராசிரியர் சமீரா மீரான் மற்றும் அயலக தமிழறிஞர் விருந்து பெற்ற கவிஞர் தமிழ் நேசன் ஆகிய இருவருக்கும் ஜெரிமெரி தமிழ்ச் சங்கம் சார்பாக பாராட்டு விழா நடைபெற்றது. மும்பை புறநகர் தி.மு.க. முன்னாள் செயலாளர் பொ. அப்பாதுரை தலைமையில் நடைபெற்ற இப்பாராட்டு விழாவில் மும்பை புறநகர் தி.மு.க. செயலாளர் அலிசேக் மீரான், துணைச் செயலாளர் முனைவர் வதிலை பிரதாபன், இளைஞரணி மாநில அமைப்பாளர் ந. வசந்தகுமார், இலக்கிய அணித் தலைவர் வே. சதானந்தன், சங்க முன்னாள் தலைவர் பொ. வெங்கடாசலம் உள்ளிட்டோர் வாழ்த்துரை வழங்கினார்கள். ஜெரிமெரி தமிழ்ச் சங்க நிர்வாகிகள் கோ. சீனிவாசகம், அய்யாபிள்ளை உள்ளிட்டோர் மிகச்சிறப்பாக நிகழ்ச்சியை ஏற்பாடு செய்திருந்தனர்.